Xəbərlər

Sülhməramlıların maşın karvanına keçid üçün imkan yaradılıb

20:05

12 yanvar 2023

Sülhməramlıların maşın karvanına keçid üçün imkan yaradılıb

Rusiya sülhməramlılarının müvəqqəti nəzarətində olan Azərbaycan ərazilərində faydalı qazıntı yataqlarının qanunsuz istismarına etiraz olaraq keçirilən aksiya davam edir.

Laçın-Xankəndi yolunun aksiya keçirilən hissəsindən Rusiya sülhməramlı kontingentinə məxsus avtomobillərin sərbəst hərəkətinə növbəti dəfə şərait yaradılıb.

APA-nın Şuşaya ezam olunan müxbiri xəbər verir ki, günün birinci yarısında 13 maşın Xankəndidən Laçına, günün ikinci yarısında isə 7 avtomobildən ibarət karvan Laçından Xankəndinə doğru hərəkət edib.

Aksiya iştirakçıları yoldan çəkilərək avtomobillərin keçidi üçün dəhliz açıb. Laçın istiqamətindən Xankəndinə getmək istəyən 50 nəfərə yaxın sülhməramlı şəxsi heyət də yolun sözügedən hissəsindən maneəsiz keçid edib.

APA xəbər verir ki, Beynəlxalq Qırmızı Xaç Komitəsinin də 5 avtomobili səhər saatlarında Xankənindən Laçına doğru, günorta saatlarında isə əks əstiqamətdə maneəsiz keçid edib.