Xəbərlər

Tovuz sakini qəbiristanlıqlardan silsilə oğurluqlar etdi

13:19

15 aprel 2023

Tovuzda qəbiristanlıqlardan oğurluq etməkdə şübhəli bilinən şəxs saxlanılıb.

DİN-in Mətbuat Xidmətinin Gəncə regional qrupundan verilən xəbərə görə, Tovuz Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisindəki qəbiristanlıqlardan silsilə oğurluq etməkdə şübhəli bilinən rayon sakini Mehman Hüseynov saxlanılıb. Araşdırmalar zamanı müəyyən olunub ki, həmin qəbiristanlıqlardakı mərmər sexlərinin birində işləyən Mehman Hüseynov cari ilin müxtəlif vaxtlarında 15-ə yaxın qəbir daşının yanındakı mərmər güldanları oğurlayaraq digər mərmər sexlərinə satıb.

Şübhəli şəxsin analoji cinayətlər törətməsi istisna olmadığından faktla bağlı istintaq-əməliyyat tədbirləri davam etdirilir.