Xəbərlər

Türkiyədə müalicə alan daha bir qazimiz vətənə qayıtdı

19:24

25 iyul 2022

“YAŞAT” fondu tərəfindən Türkiyəyə göndərilən və burada müalicə alan daha bir vətən müharibəsi qazisi vətənə qayıdıb. APA TV-nin yerli bürosunun verdiyi məlumata görə, Tovuz rayonunun Dondar Quşçu kəndindən olan 44 günlük vətən müharibəsi iştirakçısı 28 yaşlı Xüsusi Təyinatlı Qüvvələrin giziri Məmmədov Şəmsi Lətif oğlu şəhərin girişində böyük sevgi ilə qarşılanıb. Qeyd edək ki, Şəmsi Məmmədov Şuşa istiqamətində gedən döyüşlərdə oktyabrın 24 də ağır yaralanıb. Qazi gizir Şəmsi Məmmədov aprel döyüşlərində və vətən müharibəsinin ilk günündən döyüşlərdə iştirak edib. Qazimiz “Kəlbəcərin azad olunmasına görə”, “Xocavəndin azad olunmasına görə”, “Cəbrayılın azad olunmasına görə”medalları, “Vətən uğrunda”, “Şücaətə görə” və “Vətən müharibəsi iştirakçısı” medalları ilə təltif olunub.