Ukrayna Rusiyanın itkilərini açıqladı / Rusiya-Ukrayna savaşı
Ukrayna müharibə başlayandan Rusiyanın 39 təyyarə və 40 helikopterini məhv edib.
APA TV Lent.az-a istinadən xəbər verir ki, Rusiya ordusu ötən gün 3 “Su-25” hərbi təyyarəsini itirib. Onların 2-si Çerniqov, 1-i isə Volnovaxa yaxınlığında vurulub.
Ukrayna Hərbi Hava Qüvvələri komandanlığı bildirib ki, müharibədən ötən 9 gün ərzində Ukrayna hava hücumundan müdafiə qüvvələri düşmənin ən azı 39 təyyarəsi və 40 helikopterini məhv edib. Bu barədə idarənin mətbuat xidməti məlumat yayıb.
Həmçinin bildirilib ki, martın 4-də Rusiya ordusunun 3 helikopteri də məhv edilib.
Bundan əlavə, iddia edilir ki, müharibə başlamazdan əvvəl Rusiyanın Ukrayna sərhədlərinə yığdığı aviasiya qrupunun tərkibində 700-dən çox texnika olub.