Xəbərlər

Zaqatalada polis ekoloji reyd keçirib

13:47

22 may 2021

Zaqatalada hərəkətin intensiv olduğu küçə və prospektlərdə nəzarət-profilaktik tədbiri həyata keçirilib.

APA TV-nin yerli bürosunun xəbərinə görə, reyd atmosferin nəqliyyatdan atılan zərərli qazlarla çirkləndirilməsinin qarşısının alınması məqsədilə Zaqatala Rayon Polis Şöbəsi Dövlət Yol Polisi bölməsinin əməkdaşları tərəfindən gerçəkləşdirilib.

Tədbir zamanı 60-dək avtomobil saxlanılaraq, xüsusi cihazlar vasitəsilə onlardakı zərərli qazların miqdarı yoxlanılıb. Yoxlama zamanı bəzilərinin atmosferə normadan artıq tullantı ixrac etdiyi müəyyən olunub. Həmin avtomobil sahibləri ilə yol polisi əməkdaşları izahedici söhbətlər aparıb. İxrac qazlarının normalara uyğunlaşdırılmasını təmin etdikdən sonra nəqliyyat vasitələrindən istifadə etməli olduqları sürücülərin diqqətinə çatdırılıb. Standartlara cavab verməyən avtomobillərin sürücüləri barəsində inzibati qaydada tədbir görülüb.

Vüqar Heydərov