Bakı. Aqşin Rafiqoğlu - APA-Economics. 2016-cı ilin 9 ayında ölkə rezidentləri tərəfindən 43 mlrd. 436,3 mln. manat və ya əhalinin hər nəfərinə 4 mln. 512,5 manat dəyərində ümumi daxili məhsul (ÜDM) istehsal edilib.
Dövlət Statistika Komitəsindən "APA-Economics"ə verilən məlumata görə, ÜDM-in 65,7%-i iqtisadiyyatın qeyri-neft sahələrində, 34,3%-i isə neft-qaz sektorunda istehsal olunub.
Bu dövrdə informasiya və rabitə sahələrində əlavə dəyər istehsalı əvvəlki ilin müvafiq dövrü ilə müqayisədə 5,5%, kənd təsərrüfatı, meşə təsərrüfatı və balıqçılıq sahələrində 2,4%, ticarət; nəqliyyat vasitələrinin təmiri sahələrində 2,3%, turistlərin yerləşdirilməsi və ictimai iaşə sahələrində 1,8%, sənayedə 1% artıb, tikintidə 32%, nəqliyyat və anbar təsərrüfatı sahələrində 1,2%, iqtisadiyyatın digər sahələrində isə 2,5% azalıb.
Tikinti sektorunda istehsalın azalması cari ilin yanvar-sentyabrında ÜDM-in əvvəlki ilin eyni dövrünə nisbətən 3,9% azalmasına təsir edən əsas amil olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
