Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, deputat Azay Quliyev mayın 30-da Sloveniyaya gedəcək.
Katibliyin mətbuat xidmətindən APA-ya bildirilib ki, Azay Quliyev səfər çərçivəsində Sloveniyanın Maribor şəhərində müharibə qurbanlarına həsr edilmiş “Dobrava Memorial Parkı” kompleksi ərazisində Şuranın maliyyə dəstəyi ilə hazırlanmış Xocalı soyqırımına həsr edilən xatirə lövhəsinin açılış mərasiminə qatılacaq.
Mayın 31-də Azərbaycanın Avstriya və Sloveniyada akkreditə olunmuş səfirliyinin yaxından dəstəyi ilə təşkil olunan mərasimdə digər rəsmilər və ictimaiyyət nümayəndələrilə yanaşı, Sloveniya prezidentinin həmçinin, Sloveniya parlamentinin Yuxarı Palatasının sədrinin də iştirakı nəzərdə tutulur.
Səfər iyun ayının 1-də başa çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
