Bu gün Bakı Ağır Cinayətlər Məhkəməsində oğurluqda təqsirləndirilən Elxan Muxtarov və Samir Aslanovun cinayət işi üzrə məhkəmə prosesi başa çatıb.
APA-nın xəbərinə görə, hakim Əlisultan Osmanovun sədrliyi ilə keçirilən prosesdə hökm oxunub.
Hökmə əsasən Samir Aslanov 6 il müddətinə azadlıqdan məhrum edilib. E. Muxtarov isə 1000 manat cərimə olunaraq, məhkəmə zalından azadlığa buraxılıb.
Qeyd edək ki, təqsirləndirilən şəxslər Sumqayıt şəhərində tikinti materialları satılan mağazalardan naqil oğurlamaqda ittiham olunublar.