"Azərbaycanda ilk dəfə 1918-ci ildə qadınlara səsvermə hüququ verilib".
APA-nın məlumatına görə, bu sözləri BMT-nin Bakıdakı rezident əlaqələndiricisi Qulam İshaqzai Milli Məclisdə Avronest PA-nın Sosial məsələlər, təhsil, mədəniyyət və vətəndaş cəmiyyəti üzrə komitəsinin iştirakı ilə keçirilən "Dayanıqlı inkişaf məqsədləri üzrə gender bərabərliyinin və qadın sağlamlığının təşviqinə "Şərq Tərəfdaşlığı" ölkələri parlamentlərinin cəlb edilməsi" adlı konfransda çıxışı zamanı deyib. O bildirib ki, Azərbaycanda milli qanunvericilikdə bütün növ bərabərlik təmin edilir: “Azərbaycan həmçinin “Ayrı-seçkilikləri aradan qaldırılması” Konvensiyasına qoşulub. Lakin daha çox işlər görülə bilər. Qadınlara qarşı zorakılığın aradan qaldırılması və iş yerlərində gender bərabərsizliyinin aradan qaldırılması üçün böyük işlər görülməlidir. Qadınlar təhsilə çıxışda, iqtisadi qərarların verilməsində aktiv iştirak etməlidirlər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
