Mingəçevir .Zahid Abışov-APA. Mingəçevirdə bir nəfərin ölümü, bir nəfərin xəsarət alması ilə nəticələnən yol-nəqliyyat hadisəsi baş verib. APA-nın yerli bürosunun məlumatına görə, hadisə Heydər Əliyev prospektində, şəhər avtovağzalının yanında qeydə alınıb. 1954-cü il təvəllüdlü Aydın İsmayılovun idarə etdiyi “90-GR-467” dövlət nömrə nişanlı “VAZ-2107” markalı maşın yüksək sürətlə hərəkət edərkən idarəetməni itirib və qarşıdan gələn Yevlax rayon sakini, 1973-cü il təvəllüdlü Məmmədov Tahir İbrahim oğlunun idarə etdiyi dövlət nömrə nişansız “M” markalı motosikletlə toqquşub. Nəticədə motosikletin sürücüsü hadisə yerində dünyasını dəyişib, “VAZ- 2107” maşınının sürücüsü isə müxtəlif bədən xəsarətləri ilə Mingəçevir şəhər xəstəxanasına yerləşdirilib. Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
