Bakı – APA. Rusiyanın Volqoqrad şəhərində keçirilən antiterror əməliyyatı zamanı 700-dən çox adam saxlanılıb.
APA-nın “İnterfaks”a istinadən verdiyi məlumata görə, hüquq-mühafizə orqanları həmin şəxsləri müxtəlif administrativ hüquqpozmalara görə saxlayıb.
Qeyd edək ki, “Vixr - aniterror” əməliyyatına Volqoqradda 34 nəfərin ölümünə səbəb olmuş iki terror aktından sonra başlanılıb.
Hazırda şəhərdə ictimai əsayişi 3,5 min polis əməkdaşı qoruyur. Onlara Daxili Qoşunların əsgərləri kömək edir.