Xaçmaz. Vəli Turan - APA. Bu gün günorta saatlarında Xaçmaz rayonu ərazisində yol-nəqliyyat hadisəsi baş verib. APA-nın şimal bürosunun verdiyi məlumata görə, Xaçmaz rayon sakini, 1978-ci il təvəllüdlü Elçin Həbibovu maşın vurub. Xəsarət alan şəxs ətrafdakı insanların köməkliyi ilə Xaçmaz Mərkəzi Rayon Xəstəxanasına yerləşdirilib. Onun vəziyyətinin stabil olduğu bildirilir.
Zərərçəkən şəxsin APA-ya verdiyi məlumata görə, velosipedlə hərəkətdə olarkən onu “VAZ 2107” markalı maşın vurub və hadisə yerindən qaçıb.
Faktla bağlı araşdırmalar davam etdirilir.