Bakı. Şəhriyar Əlizadə - APA. Bakı Ağır Cinayətlər Məhkəməsində “Rəvan Sığorta” Açıq Səhmdar Cəmiyyətinin (ASC) baş mühasibi vəzifəsində işləmiş Nazim Zeynalovun cinayət işi üzrə məhkəmə prosesi davam etdirilib.
APA-nın məlumatına görə, prosesdə məhkəmə istintaqının tamamlanmasına qərar verilib. Çıxış üçün söz dövlət ittihamçısına verilsə də o, çıxışa hazır olmadığı üçün proses fevralın 4-nə qədər təxirə salınıb.
Qeyd edək ki, N. Zeynalov ASC-yə məxsus 224 min 843 manat məbləğində pulu mənimsəməkdə təqsirləndirilir. Ona Cinayət Məcəlləsinin 179.3.2 (mənimsəmə və ya israf etmə) maddəsində nəzərdə tutulan ittiham elan edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
