Bakı. Mübariz Aslanov - APA. Milli Məclisin Regional məsələlər komitəsinin payız sessiyasında ilk iclası keçirilib.
APA-nın məlumatına görə, iclasda komitə sədri Arif Rəhimzadə ötən sessiyada komitənin fəaliyyəti barədə məlumat verib.
O qeyd edib ki, yaz və növbədənkənar sessiyalarda komitənin 6 iclası keçirilib və bu iclaslarda 14 məsələ müzakirə olunub ki, bunun da 11-i qanun layihəыi olub: “Bu dövrdə komitəyə 200 ərizə, şikayət və müraciət daxil olub. Bunlardan 99-u araşdırılmaq üçün müvafiq təşkilatlara göndərilib”.
İclasda payız sessiyasının iş planı da təsdiq olunub. Komitə payız sessiyasının gündəliyinə 4 qanunda dəyişikliklər layihəsinin müzakirəsini daxil edib. Bunlar bələdiyyələrin inzibati ərazi bölgüsü və eyni zamanda hələ adı məlum olmayan, lakin bələdiyyələr ilə bağlı gözlənilən qanun layihələrinə dəyişikliklərdir.