Bakı-APA. Ankarada polislə tələbələr arasında toqquşmalar baş verib. APA-nın BBC-yə istinadən verdiyi məlumata görə, tələbələr Texniki Universitetin tələbə şəhərciyindən salınacağı planlaşdırılan yolun inşasına etiraz edib. Gözyaşardıcı qaz və rezin güllələrin istifadə olunduğu aksiya zamanı polis 14 nəfəri saxlayıb.
Qeyd edək ki, Ankara Texniki Universitetinin tələbə şəhərciyinin yerləşdiyi ərazi Türkiyə paytaxtında ən böyük park sayılır.
Bu arada İstanbulda polis Gezi parkını mühasirəyə alıb. Buna səbəb yerli fəalların Ankaradakı tələbələrlə həmrəylik nümayiş etdirmək məqsədilə etiraz aksiyası keçirmək istəyi olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
