Bakı-APA. Ukrayna hava məkanını hərbi təyyarələr üçün bağlı elan edib.
APA-nın Ukranya KİV-lərinə istinadən verdiyi xəbərə görə, bu barədə Ukrayna prezidentinin səlahiyyətlərini icra edən Aleksandr Turçinov göstəriş verib.
Onun sözlərinə görə, hər hansı hərbi obyektə hücum Rusiyanın Ukraynaya qarşı zor tətbiq etməsi kimi qiymətləndiriləcək.
A.Turçinov Rusiya Federasiya Şurasının Putinin Ukrayna ərazisinə qoşun yeridilməsinə icazə istəməsi ilə bağlı müraciətini müsbət qiymətləndirməsini ölkəsinə qarşı müharibənin başlanması kimi qiymətləndirib və xarici tərəfdarlardan kömək istəyib.
Bu arada Ukrayna KİV-ləri bu ölkənin ərazisində olan hərbi hissələrin Rusiya qoşunları tərəfindən nəzarətə götürülməsi barədə məlumatlar yayıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
