Bakı - APA. Azərbaycan prezidenti İlham Əliyev Kolumbiya prezidenti Xuan Manuel Santosa təbrik məktubu göndərib.
APA-nın xəbərinə görə, dövlət başçısı kolumbiyalı həmkarını prezident vəzifəsinə yenidən seçilməsi münasibətilə təbrik edib.
Məktubda qeyd olunub ki, Azərbaycan-Kolumbiya münasibətlərinin inkişafı istiqamətində atılan ardıcıl addımlar böyük məmnunluq doğurur: “Ümidvaram ki, əməkdaşlığımızın bütün sahələrdə genişləndirilməsi üçün birgə səylərimizi bundan sonra da davam etdirəcəyik”.