Bakı-APA. Belçikanın Brügge şəhərində yerləşən “Avropa Kolleci”ndə Azərbaycanın Belçikadakı səfirliyinin dəstəyi ilə bu ali təhsil ocağında “Azərbaycan günü” adlı tədbir keçirilib.
Azərbaycanın Belçika Krallığı və Lüksemburqdakı səfirliyindən APA-ya verilən məlumata görə, tədbirdə universitetin professor-müəllim heyəti və çoxmillətli tələbə auditoriyası iştirak ediblər. Qeyd edək ki, ali təhsil ocağında hazırda Azərbaycandan 4 tələbə magistr pilləsi üzrə təhsil almaqdadır.
Tədbirdə Azərbaycan musiqisi səsləndirilib və tələbələr tərəfindən milli rəqslər nümayiş etdirilib.
İştirakçılar Azərbaycan şirniyyatları dadıblar. Yaradılmış stenddə ölkəmizə aid çoxsaylı təbliğat materialları, jurnal və broşürlər nümayiş etdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
