Bakı. Hafiz Heydərov - APA. Azərbaycan Fövqəladə Hallar Nazirliyi (FHN) 2013-cü ildə respublikada baş verən hadisələrin statistikasını açıqlayıb.
APA-nın nazirliyin saytına istinadən verdiyi məlumata görə, ötən il respublikada baş vermiş yanğınların aradan qaldırılması üçün daxil olan müxtəlif çağırışlar üzrə operativ olaraq 8708 çıxış olub. Yanğın hadisələri zamanı 61 nəfər ölüb, 87 nəfər xəsarət alıb. Bu, 2012-ci il ilə müqayisədə yanğında ölənlər üzrə 5 nəfər və ya 9%, xəsarət alanlar üzrə isə 1 nəfər və ya 1% çoxdur.
2013-cü il ərzində respublika ərazisində 29 partlayış hadisəsi baş verib ki, bu da 2012-ci il ilə müqayisədə 2 hadisə və ya 7% çoxdur. Partlayışlar zamanı 7 nəfər həlak olub, 32 nəfər xəsarət alıb.
Ötən il respublika ərazisində 8883 təbii və texnogen mənşəli hadisə qeydə alınıb. Baş vermiş təbii və texnogen mənşəli hadisələr nəticəsində 75 ölüb, 127 nəfər xəsarət alıb.
Nazirliyin xilasediciləri tərəfindən 9 nəfər xilas edilib və 63 nəfər təxliyə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
