Bakı. Fuad Cəfərov - APA. Azərbaycanda 73 yaşlı kişi yol qəzasında ölüb.
Baş Dövlət Yol Polisi İdarəsindən APA-ya verilən məlumata görə, yol-nəqliyyat hadisəsi Bakı-Qazax yolunun 347-ci kilometrliyində, Goranboy rayonunun Dəliməmmədli şəhəri ərazisində qeydə alınıb.
Şəxsiyyəti məlum olmayan sürücünün idarə etdiyi “Mercedes” markalı avtomobillə yolu keçən piyada 1941-ci il təvəllüdlü Vaqif Bahadır oğlu Muxtarovu vurub. Piyada hadisə yerində dünyasını dəyişib.
Faktla bağlı cinayət işi açılıb, araşdırma aparılır.