Bakı. Real Cəfərli - APA. “ABŞ İrana qarşı təzyiq və hərbi təhdidlərini davam etdirməlidir”. APA-nın “Fars” xəbər agentliyinə istinadən məlumatına görə, bunu ABŞ Senatının Xarici Əlaqələr Komitəsinin rəhbəri, senator Bob Menendez bildirib.
Onun sözlərinə görə, İranın mesajçısı dəyişdi, amma mesajı dəyişmədi: “Biz İranın nüvə silahına yiyələnəcəyindən qorxuruq. Əgər İran sentrifuqaların sayını artırmağı davam etdirsə, 2014-cü ilin ortalarında nüvə bombası istehsal edə biləcək vəziyyətə gələcək”.
B.Menendez deyib ki, ABŞ İran prezidenti Həsən Ruhaninin BMT Baş Assambleyasının 68-ci sessiyasındakı çıxışını müsbət qarşılayır: “Ancaq bizim üçün mühüm olan İranın dedikləri deyil, görəcəyi işlərdir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
