İnfrastruktur

Ana səhifə

İnfrastruktur

Azərbaycanda çay üzərində asma bağları olmadan aşırımı rekord uzunluqda dəmir-beton konstruksiyalı körpü tikilir - FOTOSESSİYA - VİDEO

Azərbaycanda çay üzərində asma bağları olmadan aşırımı rekord uzunluqda dəmir-beton konstruksiyalı körpü tikilir - <span style="color: red;">FOTOSESSİYA - <span style="color: red;">VİDEO

01 noyabr 2013 00:17 (UTC +04:00)

APA-nın Mil-Muğan bürosuna Avro-Asiya İnşaat Korporasiyasından verilən məlumata görə, Şirvan şəhərinin ərazisində Kür çayı ilə Qazıməmməd-Horadiz yolunun 8-ci kilometrliyinin kəsişməsində yeni körpünü “Evraskon” ASC həyata keçirir.

Dünya Bankının maliyyə dəstəyi ilə həyata keçirilən tikintinin layihə üzrə məsləhətçisi qismində İtaliya şirkəti çıxış edir. Tikintinin sifarişçisi Azərbaycan Respublikası Nəqliyyat Nazirliyidir.

Layihəni Avro-Asiya İnşaat Korporasiyası hazırlayıb. Uzunluğu 304 metr, eni 15 metr, hündürlüyü 17 metr olan körpü 4 dayaqdan və 3 aşırımdan ibarətdir. MDB məkanında ilk belə layihədir ki, asma dəmir bağları olmadan orta aşırımı 140 metr rekord uzunluqda olan dəmir-beton konstruksiyalardan inşa edilir.

Qeyd edək ki, 1963-cü ildə Kür çayı üzərində inşa edilmiş mövcud Şirvan-Sabirabad körpüsü nəqliyyat vasitələrinin, o cümlədən ağır tonnajlı yük avtomobillərinin intensiv hərəkətini tənzimləyə bilmədiyindən tez-tez sıradan çıxırdı. Bunları nəzərə alan hökumət yeni, daha müasir və davamlı körpünün tikilməsinə qərar verib.