Bakı. Cavid Zeynalov - APA. Azərbaycanın incəsənət xadimləri İordaniyada keçirilən “Jaraş” mədəniyyət və incəsənət festivalında iştirak ediblər.
Bakı Şəhər Mədəniyyət və Turizm İdarəsindən APA-ya verilən məlumata görə, Jaraşda hər il keçirilən ənənəvi beynəlxalq mədəniyyət və incəsənət festivalında Azərbaycanı incəsənət xadimləri - tanınmış xanəndə, xalq artisti Mələkxanım Əyyubova, tarzən, xalq artisti Möhlət Müslümov və kamança ifaçısı Elnur Salahov təmsil ediblər.
Festivala dünyanın 50-yə yaxın ölkəsindən mədəniyyət və incəsənət xadimləri qatılıblar.
Tədbirdə Azərbaycanın İordaniyadakı səfiri Sabir Ağabəyov, Krallıqda akkreditə olunmuş diplomatik nümayəndəliklərin rəhbərləri, Azərbaycan diasporunun və İordaniya ictimaiyyətinin nümayəndələri tamaşaçı qismində iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
