Bakı. Pərviz Nuriyev – APA-Economics. Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin dəyəri 0,87 dollar ucuzlaşaraq 1 barelə görə 101,50 dollar təşkil edib.
“APA-Economics”in məlumatına görə, ICE London qitələrarası birjasında Brent markalı neftin 1 barelinin dəyəri 0,25 dollar artaraq 110,44 dollar olub.
Dünya bazarlarında neftin qiymətinin fərqli olmasına səbəb ABŞ-ın enerji ehtiyatları ilə bağlı açıqladığı statistika olub.
Qərb analitikləri həmçinin bunu Ukrayna daxilində müşahidə olunan qeyri-stabil vəziyyətlə əlaqələndirir.