Bakı. Real Cəfərli-APA. Avropa Birliyinin (AB) Livanın “Hizbullah” təşkilatının hərbi qanadını terror siyahısına salması bütün siyasi və hüquqi normalara ziddir və qəbuledilməzdir”. APA-nın “Mehr” xəbər agentliyinə istinadən məlumatına görə, bunu İranın xarici işlər naziri Əli Əkbər Salehi bildirib.
Onun sözlərinə görə, bu addım Avropa Birliyinin bəzi üzvlərinin təzyiqi nəticəsində məqsədli şəkildə atılıb: “AB-yə üzv ölkələrin xarici işlər nazirləri regional inkişafa yardım göstərməyi düşünürlər. Halbuki onların bölgədəki böhranlara istiqamətli səhv dəyərləndirmələri yanlış mövqe nümayişinə və ikili standartların tətbiqinə gətirib çıxarır”.
Ə. Salehi İranın AB-nin bu qərarını qınadığını deyərək bu cür cəhdlərin xalqların haqlı mübarizələrinə təsir göstərməyəcəyini vurğulayıb: “AB-nin bu qərarı İsrail və müttəfiqlərinin qanuni olmayan mənfəətləri istiqamətində alınıb”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
