Bakı-APA. Azərbaycan Milli Elmlər Akademiyası Fizika İnstitutunun alimləri Koreya Qabaqcıl Tədqiqatlar İnstitutunun dəvəti ilə “Kvant informasiyası” mövzusunda beynəlxalq konfransda iştirak edəcək. AMEA-dan APA-ya verilən məlumata görə, bu məqsədlə dekabrın 13-də institutun direktoru, fizika-riyaziyyat elmləri doktoru Nazim Məmmədov, fizika-riyaziyyat elmləri doktoru Ənvər Nəhmədov və fizika-riyaziyyat elmləri namizədi Elçin Cəfərov Seul şəhərinə səfər edəcək.
Dörd gün davam edəcək konfransda azərbaycanlı alimlərin “İfratkeçirici spin zəncirlərində Mayorana fermionları” və “Heyzenberq spin zəncirlərində yaxın-qonşu təsiri altında kubit səviyyələrin ötürülməsi” mövzularında məruzələri nəzərdə tutulur.
Səfər zamanı Koreya Qabaqcıl Tədqiqatlar İnstitutu ilə əməkdaşlıq məsələləri də müzakirə olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
