Bakı-APA. Türkiyədə polis binasına iki qumbara atılıb. APA-nın “Anadolu” agentliyinə istinadən verdiyi məlumata görə, hadisə Ankara yaxınlığında baş verib.
Türkiyə daxili işlər naziri Müəmmar Gülər bildirib ki, naməlum şəxslər tankəleyhinə qumbaraatandan 3 dəfə atəş açıb. Hadisə nəticəsində ölən və yaralanan olmasa da, binaya zərər dəyib.
Hadisə yeri yaxınlığında partlamamış qumbara və qeyri-leqal təşkilatlardan birinin simvolikası ilə bayraq tapılıb.