APA-nın “Ukrainskaya pravda” saytına istinadən verdiyi məlumata görə, Y. Timoşenko həbsxanadan göndərdiyi məktubunda bütün ukraynalıları Viktor Yanukoviç hakimiyyətinə qarşı üsyana qalxmağa səsləyib: “Dəyənəklə dinc insanlara endirilən hər zərbə bütün Ukrayna xalqının sifətinə vurulan zərbədir. Yanukoviçin zorakılığı həyatımızın normasına çevirməsinə imkan verməyin! Mən hər ukraynalıya müraciət edirəm: üsyan edin!”
Y. Timoşenko müxalifəti hakimiyyətlə danışıqlara getməməyə çağırıb: “Banda ilə heç bir danışığa, heç bir dəyirmi masaya getmək olmaz. Yanukoviç və ətrafı gecikmədən, təcili şəkildə istefaya getməlidir. Ukraynaya eşq olsun!”