Bakı. Gülnar Bəşirova - APA. Azərbaycan Milli Elmlər Akademiyası (AMEA) ilə Rusiya Təbiət Elmləri Akademiyası (RTEA) arasında əməkdaşlığın daha da genişləndirilməsi istiqamətində AMEA-nın prezidenti, akademik Akif Əlizadə və RTEA-nın prezidenti, akademik Oleq Kuznetsov birgə müqavilə bağlayıblar.
AMEA-nın mətbuat xidmətindən APA-ya verilən məlumata görə, müqavilədə iki ölkə arasında təbiət və humanitar elmlər üzrə birgə tədqiqatlar, kadr hazırlığı sahəsində müştərək işlər, həmçinin birgə konfrans, seminar və digər tədbirlərin təşkili, məlumat və elmi texnologiya sahəsində mübadilə məsələləri yer alıb.
Görüşdə neft-qaz texnologiyalarında innovasiyaların tətbiqi də müzakirə edilib.
Qeyd edək ki, payızda bu mövzuya dair Bakıda seminar keçirmək nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
