Bakı. Şamil Əlibəyli - APA. Sentyabrın 30-da Ankara (Türkiyə) şəhərində “XIX əsrin Qafqaz müharibəsi: Realpolitik və “xatirələr müharibəsi” adlı beynəlxalq konfrans baş tutacaq.
APA-nın məlumatına görə, “Şimal-Cənub” Politologiya Mərkəzi tərəfindən Türkiyənin İqtisadiyyat və Texnologiyalar Universitetində (TOBB-ETÜ) keçiriləcəyi tədbir Qafqaz tarixin əsas problemlərinə həsr olunmuş birinci bu cür tədbir olacaq.
Konfransa Moskvanın və Rusiyanın Şimali Qafqazda yerləşən respublikalarının, Gürcüstan və Azərbaycanın elmi mərkəzlərin nümayəndələri, Türkiyədən isə ekspertlər, dövlət və ictimai xadimləri qatılacaq.
Konfrans iştirakçıları Qafqazın XIX əsrdəki tarixin əsas problemlərini, onların region üçün törətdiyi fəsadlarını və qüdrətli ölkələrin, xüsusilə Rusiya və Osmanlı imperiyalarının Şimali Qafqazda maraqlarına təsirlərini müzakirə edəcəklər. Bu cür tədbirin təşkili Rusiya, Türkiyə və Cənubi Qafqazdan olan alimlər arasında əməkdaşlığın inkişaf etdirilməsinə, Qafqaz regionu tarixinin dərin və bitərəf öyrənməsinə kömək edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
