APA-nın Ukrinform agentliyinə istinadən verdiyi xəbərə görə, naməlum şəxslər Daxili Qoşunların 3057 saylı hərbi hissəsinə hücum edərək silah tələb ediblər.
Yerli mənbələr atışma nəticəsində 1 nəfərin öldüyünü, 12 nəfərin xəsarət aldığını bildirirlər, onlardan 2 nəfərin vəziyyəti ağır kimi qiymətləndirilir.
Yaxınlıqdakı yaşayış binasına ziyan dəyib, sakinlər evlərini tərk ediblər.
UNİAN agentliyinin məlumatına görə, hücum dəf edilib, hücumda iştirak edən bir neçə nəfər saxlanılıb.