Bakı. Aqşin Rafiqoğlu – APA-Economics. Mayın 4-7-də Azərbaycan Sahibkarlar Konfederasiyasının (ASK) şöbə müdiri Emil Süleymanov və iş adamlarından ibarət nümayəndə heyəti Almaniyanın Köln şəhərində keçirilən istifadə olunmuş maşın qurğuları və avadanlıqları üzrə beynəlxalq “USETEC 2014” sərgisində iştirak edib.
ASK-dan “APA-Economics”ə verilən məlumata görə, səfərin əsas məqsədi beynəlxalq təcrübənin və yeni texnologiyaların Azərbaycanın iş adamlarına öyrədilməsi, tətbiqi, Almaniyanın ixrac texnikası, avadanlıqları və bu istiqamətdə fəaliyyət göstərən şirkətlərlə tanışlıq, ticarət əlaqələrinin genişləndirilməsi kimi məsələləri əhatə edib.
“USETEC 2014” sərgisinin rəsmi açılış mərasimindən sonra nümayəndə heyəti 20-dən çox sahəni əhatə edən şirkətlərin təmsil etdiyi pavilyona baş çəkib, müxtəlif mövzularda müzakirə və söhbətlər aparılıb. Sərgidə görüş keçirən iş adamları əməkdaşlıq perspektivləri, investisiya, ixrac məsələləri ətrafında müzakirələr aparıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
