Lənkəran. Ağəddin Babayev - APA. Lənkəranda soyğunçuluq faktı qeydə alınıb. APA-nın cənub bürosunun məlumatına görə, hadisə rayonun şadlıq saraylarının birində toy mərasimi zamanı qeydə alınıb. Naməlum şəxs 7 yaşlı qızın tək olmasından istifadə edərək onun qulaqlarındakı 400 manat dəyərində olan sırğaları çıxararaq aradan çıxıb.
Hadisə barədə Lənkəran Şəhər-Rayon Polis Şöbəsinə məlumat verildikdən dərhal sonra əməliyyat-axtarış qrupu yaradılıb. Cəmi bir gün sonra hadisəni törətmiş Lənkəran şəhər sakini, 1977-ci il təvəllüdlü Zəki Xeyrulla oğlu Quliyev şübhəli şəxs qismində yaxalanaraq istintaq orqanlarına təhvil verilib. Dindirmə zamanı saxlanılan şəxs törətdiyi əməli etiraf edib.
Faktla bağlı cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
