Ağdam. Teymur Zahidoğlu - APA. “Bu il ərzində 4500-dən çox mənzil qaçqın və məcburi köçkün ailələrinin ixtiyarına veriləcək”. APA-nın Qarabağ bürosunun xəbərinə görə, bunu yeni salınan qəsəbədə aparılan işlərlə tanışlıq məqsədilə Ağdama səfər edən Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov jurnalistlərə açıqlamasında deyib. Komitə sədri bildirib ki, bu qədər evdə təxminən 25 min nəfər insanın məskunlaşması, rahat həyat tərzi keçirməsi mümkündür.
Ə. Həsənov qeyd edib ki, ölkə rəhbərinin tapşırığına əsasən hər il ölkədə məcburi köçkün ailələrinin sosial şəraitinin yaxşılaşdırılması məqsədilə 4000-dən çox yeni mənzil tikilir. Yaxın gələcəkdə Tərtər rayonu ərazisində məskunlaşmış qaçqın və məcburi köçkün ailələri üçün yeni qəsəbənin salınması nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
