Bakı. Fuad Cəfərov – APA. Bakıda yol polisinə xəsarət yetirən şəxslərdən tutulub. Bakı Şəhər Baş Polis İdarəsindən APA-ya verilən məlumata görə, Binəqədi Rayon Polis İdarəsi Cinayət Axtarış Şöbəsi, 5-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində, noyabrın 20-də saat 02:30 radələrində, Cəfər Xəndan küçəsində xidmətdə olan Bakı şəhər Bakı Şəhər Baş Polis İdarəsinin Dövlət Yol Polisi İdarəsinin inspektorlarına xəsarət yetirməkdə şübhəli bilinən, Bakı şəhər sakinləri, “Nissan” markalı avtomobilin sürücüsü, 1986-cı il təvəllüdlü İlham Ağayev və Cinayət Məcəlləsinin 126-cı (qəsdən sağlamlığa zərər vurma) və 128-ci (qəsdəm sağlamlığa yüngül zərər vurma )maddələri ilə axtarışda olan 1981-ci il təvəllüdlü Urman Aslanov tutulub. Araşdırma zamanı U.Aslanovun üzərindən 10,012 qram heroin, İ.Ağayevin avtomobilindən 2 ədəd kibrit qutusunda 6,75 qram marixuana aşkar olunaraq götürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
