Bakı. Zümrüd Paşayeva - APA. Ermənistan parlamenti ölkənin Avrasiya İqtisadi Birliyinə qoşulması ilə bağlı müqaviləni ratifikasiya edib. APA-nın “news.am” saytına istinadən verdiyi xəbərə görə, 103 deputat lehinə, 7 deputat əleyhinə səs verib, 1 nəfər isə bitərəf qalıb. Beləliklə, Ermənistan 1 yanvar 2015-ci ildən etibarən Avrasiya İqtisadi Birliyinin tamhüquqlu üzvü sayılacaq.
Xatırladaq ki, müqavilə Ermənistan prezidenti Serj Sarkisyan tərəfindən oktyabrın 10-da Minskdə imzalanıb.