Bakı-APA. Bakı Dövlət Universitetinin (BDU) şərqşünaslıq fakültəsində uzaq şərq dilləri və ədəbiyyatı kafedrasının təşkilatçılığı ilə Yapon mədəniyyəti günü keçirilib.
BDU-nun mətbuat və informasiya şöbəsindən APA-ya verilən məlumata görə, tədbiri açan kafedra müdiri Oqtay Cəlilbəyli bildirib ki, 22 noyabr 2013-cü il tarixində Azərbaycanın İsmayıllı və Yaponiyanın İto şəhərləri arasında qarşılıqlı dostluq və əməkdaşlıq haqqında imzalanan sazişə əsasən, İto şəhərinin sənət adamları Azərbaycanda Yapon mədəniyyəti günü təşkil edirlər. BDU-da keçirilən tədbirin həmin silsilədən olduğunu bildirən Oqtay Cəlilbəyli onu da qeyd edib ki, fakültənin yapon dili və ədəbiyyatı ixtisasında təhsil alan tələbələrə, eyni zamanda bu ölkənin tarixi, mədəniyyəti, incəsənəti ilə bağlı fənlər tədris olunur və tədbir həm də bu baxımdan faydalıdır.
Yaponiyanın ölkəmizdəki səfirliyinin əməkdaşı Obata BDU və Yaponiya səfirliyi arasındakı əməkdaşlığı yüksək qiymətləndirib.
Sonra İto şəhərindən gəlmiş nümayəndə heyəti milli geyimlərini, musiqilərini, gül ənənəsini, yazı xəttatlığını, çay dəstgahını təqdim edib.
Tədbirdə Yapon dili və ədəbiyyatı ixtisasında təhsil alan tələbələr də öz məharətlərini nümayiş etdiriblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
