Sosial

Ana səhifə

Sosial

Ekologiya və təbii sərvətlər naziri Milli Mətbuat günü münasibətilə KİV nümayəndələrini təbrik edib

22 iyul 2014 09:46 (UTC +04:00)

Bakı. Könül Kamilqızı - APA. Ekologiya və təbii sərvətlər naziri Hüseyn Bağırov Milli Mətbuat Günü münasibətilə KİV nümayəndələrini təbrik edib.

Ekologiya və Təbii Sərvətlər Nazirliyinin mətbuat xidmətindən APA-ya verilən xəbərə görə, təbrikdə deyilir: “Sizi 22 iyul Milli Mətbuat günü münasibətilə təbrik edir, şərəfli və son dərəcə məsuliyyət tələb edən işinizdə yeni-yeni uğurlar arzulayırıq. 139 il əvvəl Azərbaycan dövri mətbuatının əsasını qoymuş “Əkinçi” qəzetinin nəşri ilə əlaqədar olan bu tarix hər birimiz üçün əlamətdardır. İnanırıq ki, indi fəaliyyət göstərən bütün media nümayəndələri jurnalistikamızın banisi Həsən bəy Zərdabinin əsasını qoyduğu təməl ideyalara daim sadiq qalacaq. Ekologiya və Təbii Sərvətlər Nazirliyinin kollektivi sizin bizə olan diqqətinizi, o cümlədən bizimlə əməkdaşlığa verdiyiniz önəmi daim yüksək qiymətləndirir. Sizi bir daha təbrik edir və Kütləvi İnformasiya Vasitələrinin ölkəmizin sosial-iqtisadi cəhətdən qüdrətlənməsi yolunda bundan sonra da uğurlu fəaliyyət göstərməsini arzulayırıq”.