Bakı. Rəşad Süleymanov - APA. Bu gün Bakıda 7-ci Xəzər Beynəlxalq Mühafizə, Təhlükəsizlik və Xilasetmə vasitələri Sərgisi (“CİPS Caspian”) başlayıb.
APA-nın məlumatına görə, “İTECA Caspian” şirkəti tərəfindən təşkil olunan sərgi oktyabrın 25-dək davam edəcək.
Sərgidə 60-dan artıq yerli və xarici şirkət öz məhsullarını nümayiş etdirir.
“CİPS-2014” sərgisində təhlükəsizliyin təmin edilməsi üçün texniki vasitələr, mühafizə televiziyası və müşahidə sistemləri, yanğın təhlükəsizliyi, qəza-xilasetmə texnikası, əməyin mühafizəsi, məlumatların mühafizəsi, mikro-prosessorlu “smart” kartlar və identifikasiya texnologiyaları daxil olmaqla müxtəlif avadanlıqlar nümayiş olunur.