Bakı. Xanım Nağıyeva - APA. Aprelin 18-21-də Budapeşt (Macarıstan) şəhərində XX Beynəlxalq Kitab Festivalı keçiriləcək.
Mədəniyyət və Turizm Nazirliyinin mətbuat xidmətindən APA-ya verilən məlumata görə, beynəlxalq kitab sərgisində ölkəmizi Mədəniyyət və Turizm Nazirliyinin nümayəndələri və "Azərnəşr"in direktoru Azər Mustafazadə təmsil edəcəklər.
Sərgidə nazirlik tərəfindən 12 kv. m-lik sahə icarəyə götürülərək stend qurulub. Burada Azərbaycanın mədəniyyəti, ədəbiyyatı, inkişaf edən nəşriyyat-poliqrafiya imkanları, tarixi həqiqətləri, turizm potensialı haqqında 200-dən çox adda kitab və reklam çap məhsulları nümayiş olunacaq.
Sərgidə "Heydər Əliyev: Müstəqilliyimiz əbədidir" çoxcildliyinin təqdimatı keçiriləcək, "Müstəqillik illərində (1993-2013) Azərbaycanda kitab sənətinin inkişafı" adlı panel təşkil olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
