Bakı. Məlahət Nəcəfova - APA. Azərbaycan hökuməti parlament seçkiləri ilə bağlı bəyanatların Avropa İttifaqının müvafiq strukturlarında əvvəlcədən hazırlandığı barədə məlumat əldə edib.
APA-nın məlumatına görə, bu barədə Azərbaycan Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov öz “Twitter” səhifəsində yazıb.
“Yaxın və dost dairələrdən bizə məlum olub ki, Azərbaycanda noyabrın 1-də keçiriləcək seçkilərlə bağlı Avropa İttifaqının müvafiq strukturlarında bəyanatların mətni artıq hazırdır. Bircə kiçik əlavə edib tarixi qoymaq qalıb”, - deyə o qeyd edib.