“Royal Dutch Shell” İrana borcunu ödəyə bilmir
27 mart 2012 01:49 (UTC +04:00)
Bakı. Könül Cəfərli – APA. Böyük Britaniya və Hollandiyanın müştərək neft şirkəti olan “Royal Dutch Shell” İrandan aldığı neftin pulu ödəməkdə çətinlik çəkir. APA-nın məlumatına görə, ABŞ və Avropa Birliyinin İrana qarşı sanksiyalarına əsasən, şirkət bu ölkədən aldığı 8 milyon barel neftin pulunu İran dövlətinin hesabına yatıra bilmir. Odur ki, “Royal Dutch Shell” İrana 1 milyard dollar borcunu ödəməkdə çətinlik çəkir.
Qeyd edək ki, İrandan hər gün 100 min barel neft alan “Royal Dutch Shell” bu ölkədən ən çox neft alan şirkətlərdən biridir.
Qeyd edək ki, İrandan hər gün 100 min barel neft alan “Royal Dutch Shell” bu ölkədən ən çox neft alan şirkətlərdən biridir.