İsrail ordusu və Şin Bet Qəzza zolağının cənubundakı Xan Yunis şəhərində HAMAS-ın maliyyə departamentinin rəhbəri Məhəmməd Əbu Əlvanın öldürüldüyünü açıqlayıb.
APA-nın xəbərinə görə, İsrailin Baş naziri Benyamin Netanyahu və müdafiə naziri İsrael Katsın birgə bəyanatında bildirilib ki, Əbu Əlvan Xan Yunisdə keçirilən dəqiq əməliyyat zamanı hədəfə alınıb.
“Biz HAMAS-ın komandirlərini və döyüşçülərini təqib etməyə, onun maliyyələşmə mənbələrinə zərbə vurmağa və terror infrastrukturunu məhv etməyə davam edəcəyik. HAMAS-ın gücünü bərpa etməsinə imkan verməyəcəyik və HAMAS Qəzza zolağında mövcudluğunu sonlandırana qədər dayanmayacağıq”, – bəyanatda qeyd olunub.
Məlumata görə, Xan Yunisin Əl-Məvasi ərazisində avtomobilə endirilən zərbə nəticəsində iki nəfər ölüb, üç nəfər yaralanıb. Onlardan birinin Məhəmməd İbrahim Məhəmməd Əbu Əlvan olduğu bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
