İstanbulda kilsədə baş verən atışmadan sonra 40-dan çox şəxs saxlanılıb.
APA xəbər verir ki, bu barədə Türkiyə Daxili İşlər Nazirliyi məlumat yayıb.
Türkiyə polisi yanvarın 28-də kilsədə baş verən atışmada şübhəli bilinən 47 nəfəri saxlayıb.
“Kilsəyə silahlı basqınla bağlı istintaq çərçivəsində 30 ünvanda əməliyyat keçirilib, İŞİD-lə əlaqəsi ola bilən bir Rusiya və bir Tacikistan vətəndaşı da daxil olmaqla 47 nəfər saxlanılıb”, - deyə bildirilib.
***
28.01.2024
Saat 23:58
İstanbulun Sarıyer rayonunda ibadət zamanı kilsəyə silahlı hücum etməkdə şübhəli bilinən şəxslər saxlanılıb.
APA-nın Türkiyə müxbirinin verdiyi xəbərə görə, bu barədə ölkənin daxili işlər naziri Ali Yerlikaya "X" hesabında bildirib.
"Bu səhər Sarıyerdə Santa Mariya Kilsəsində ibadət zamanı vətəndaşımız Tuncer Cihanın ölümünə səbəb olan iki şübhəli tutuldu”, - deyə o qeyd edib.
***
Saat 22:59
İstanbulda kilsəyə silahlı hücum edən iki nəfərdən biri saxlanılıb.
APA xəbər verir ki, bu barədə Türkiyə mediası məlumat yayıb.
İbadət zamanı edilən hücumda iki maskalı şəxslər 1972-ci il təvəllüdlü Türkiyə vətəndaşını öldürüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
