ABŞ İsrailin “Hizbullah”la münaqişəsinin genişlənməsindən ehtiyat edir.
APA xəbər verir ki, bu barədə “The Times of Israel” nəşri mənbələrinə istinadən yazıb.
Nəşrin yazdığına görə, Tel-Əvivin ilk növbədə “Hizbullah”ı vurmalı olduğu barədə yayılan xəbərlər ABŞ hakimiyyətinin narahatlığına səbəb olur.
ABŞ İsraillə “Hizbullah” hərəkatı arasında münaqişənin daha da genişlənməsindən ehtiyat edir, çünki hadisələrin bu istiqamətdə inkişafı Yaxın Şərqdə hərbi əməliyyatların daha da genişlənməsinə səbəb ola bilər.
“ABŞ anlayışla qarşılayır ki, İsrail ordusu “Hizbullah” tərəfindən ölkənin şimalında artan hücumlara cavab verməlidir” - nəşr vurğulayıb.
Xatırladaq ki, bir müddət öncə ABŞ Prezident Administrasiyasının verdiyi bəyanata əsasən “Hizbullah” döyüşçüləri İsrailə qarşı hərbi əməliyyatlara başlayacağı təqdirdə, ABŞ İsraili dəstəkləyəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
