Bakı. Könül Cəfərli – APA. “İranla “altılıq” ölkələri arasında Qazaxıstanda keçiriləcək görüşdə Tehrana yeni və mötəbər təkliflər irəli sürəcəyik”. APA-nın “Fars” xəbər agentliyinə istinadən məlumatına görə, bunu Böyük Britaniyanın xarici işlər naziri Uilyam Heyq deyib.
O, Tehranın yeni nüvə müzakirələrinin yerini və tarixini təsdiqləməsini müsbət qarşıladığını deyib: “Budəfəki görüşdə “altılıq” ölkələri adından İrana yeni təkliflər paketi təqdim edəcəyik. Böyük Britaniya hələ də bu ölkənin nüvə probleminin diplomatik yolla həllinin tərəfdarıdır. Lakin müzakirələrdə irəliləyişin əldə edilməsi şərtdir”.