Bakı. Könül Cəfərli – APA. İranın Şəhrikurd şəhərində 2 qardaş əhalinin gözü qarşısında edam edilib. APA-nın məlumatına görə, məhbuslar məscidə gedən 17 yaşlı bir nəfəri oğurlamaqda, ona təcavüz etməkdə və qətlə yetirməkdə ittiham olunurdular. Yerli məhkəmə onları təqsirli bilərək, barələrində ölüm hökmü çıxarıb. Qərar 2 ay ərzində İranın Ali Məhkəməsi tərəfindən təsdiqlənəndən sonra səhər saatlarında icra edilib.