Bakı. Anaxanım Hidayətova – APA. Bu gün 19-cu çağırış İsrail parlamentinin (Knesset) ilk iclası keçiriləcək.
APA-nın İsrail mətbuatına istinadən xəbərinə görə, ənənəyə uyğun olaraq iclası İsrail prezidenti Şimon Peres açacaq, iclasa isə veteran deputat Binyamin (Fuad) Ben-Yeliezer sədrlik edəcək.
İclas ənənəvi şəkildə İsrailin müstəqillik bəyannaməsini elan etmiş David Ben-Qurionun nitqi ilə açılacaq. Dövlət himninin oxunması ilə tədbirə yekun vurulacaq.