Bakı-APA. Yanvarın 25-nə keçən gecə Dəməşqin yaxınlığında güclü partlayış törədilib, ölən və yaralıların olduğu bildirilir. APA-nın “RİA Novosti”yə istinadən verdiyi xəbərə görə, bu barədə yerli KİV-lər məlumat yayıb.
“SANA” Suriya informasiya agentliyinin məlumatına görə, terrorçular tərəfindən törədilmiş partlayış paytaxtın kənarında yerləşən Sasa qəsəbəsində baş verib.
“Sinxua” agentliyinin yerli KİV-lərə istinadən verdiyi məlumata görə, terrorçuların hədəfi yerli təhlükəsizlik xidmətinin bölməsi olub.
İnsidentin təfərrüatları açıqlanmır, ölən və yaralananların dəqiq sayı da hələlik məlum deyil.