Bakı. Könül Cəfərli – APA. İranla “altılıq” ölkələri arasında növbəti nüvə müzakirələri bu ilin fevral ayında İstanbulda keçirilə bilər. APA-nın məlumatına görə, bu barədə İran parlamentinin Milli təhlükəsizlik və xarici siyasət komissiyasının sədri Əlaəddin Burucerdi açıqlama verib.
Qeyd edək ki, İran Xarici İşlər Nazirliyinin sözçüsü Ramin Mehmanpərəst yanvarın 15-də keçirdiyi həftəlik mətbuat konfransında rəsmi Tehranın “altılıq” ölkələri ilə növbəti nüvə danışıqlarının vaxtı haqda razılığa gəldiyini bildirib. Lakin o deyib ki, müzakirələrin harada keçirilməsi ilə bağlı İranın təklifinə cavab verilməyib. Ancaq Avropa Birliyinin xarici işlər və təhlükəsizlik siyasəti üzrə ali nümayəndəsinin sözçüsü Maykl Mann bu məlumatı təkzib edib: “İranla “altılıq” ölkələri arasında keçiriləcək görüşlə bağlı tərəflər arasında hələlik heç bir rəsmi razılaşma əldə olunmayıb”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
